क्रिकेट खेलाडीका मैदान भित्र र मैदान बाहिरका पीडा Paras Khadka and Sompal Kami in TOUGH talk

हालै यूएईमा भएको एक दिवसीय र ट्वान्टी ट्वान्टी क्रिकेटमा नेपाली क्रिकेट टिमको ऐतिहासिक सफलताले सिंगो देश खुशीले गदगद छ । कप्तान पारश खड्का नेतृत्वको टिमले फेरी एकपटक नेपाली क्रिकेटलाई उचाई दिलाएको छ । यो जितसंगै अन्तराष्ट्रिय क्रिकेट काउन्सिल (आईसीसी) को एकदिवसीय ‘ओडीआई’ वरियतामा नेपाल पहिलो पटक १५ औं स्थानमा सूचिकृत भएको छ । यूएइमै भएको अर्को ट्वान्टी ट्वान्टी क्रिकेट श्रंखलामा पनि अर्को ऐतिहासिक जित हात पार्दै ट्वान्टी ट्वान्टी क्रिकेटको बरियतामा पनि १४ औ स्थानमा उक्लिएको छ । यीनै दुई श्रृंखलामा तीन खेलाडीले व्यक्तिगत कीर्तिमान पनि राखे । १६ वर्षीय रोहितकुमार पौडेलले अन्तराष्ट्रिय एकदिवसीयमा कम उमेरमा अर्धशतक बनाउने खेलाडी बने । पहिलो पटक खेलेका सन्दीप जोराले ट्वान्टी–२० अन्तराष्ट्रिय खेलामा अर्धशतक बनाउने कान्छा खेलाडीको इतिहास रचे । त्यति मात्र होइन कप्तान पारस खड्काले पनि एकदिवसीय अन्तराष्ट्रिय खेलमा पहिलो शतक प्रहार गर्ने पहिलो नेपाली खेलाडीको कीर्तिमान रचे । एउटा राम्रो क्रिकेट मैदान समेत नभएको मुलुकका खेलाडीले अन्तराष्ट्रिय प्रतियोगितामा पाएको यो सफलताको जति प्रसंशा गरे पनि कम हुन्छ । तर यो सफलताले आगामी दिनमा यसलाई कसरी कायम राख्न सक्छ भन्ने प्रश्न पनि तेस्र्याएको छ । यतिमात्र होइन आइसिसिले नेपाल क्रिकेट संघ क्यानमाथि लगाएको निलम्बन कहिले फुकुवा गर्ला ? खेलको पुर्वाधार विकासमा सरकारको उदासिनता कहिलेसम्म जस्ता अनेकन प्रश्नहरु ठडिरहेका छन र जवसम्म नेपाली क्रिकेटका लागि अफ दी फिल्डमा पनि सकारात्मक कदमहरु चल्दैनन्, यी प्रश्न कायमै हुनेछन । आम जनताको हौसला, खेलाडीको कौशलता जति भए पनि खेलकुद क्षेत्रलाई हांक्ने कुशल नेतृत्व चाहिन्छ भाषण होइन । खेलाडीले आफ्नै बलबुतामा अन्तराष्ट्रिय प्रतियोगिता जितेर आएपछि विमानस्थलमा स्वागत, खादा, माला पहि¥याउन राजनीतिक नेतृत्व अघि सर्छ । अन्य समयमा खेलकुदका आवश्यक पूर्वाधार तयार गर्न र खेलाडीका लागि अनुकुल वातावरण तयार गर्दैन । बरु खेलकुदभित्रै अनावश्यक राजनीति भित्राउँछ । यस्तै तुच्छ राजनीतिका कारण नेपाली क्रिकेटलाई नेतृत्व गर्ने नेपाल क्रिकेट संघ नै निलम्बित अवस्थामा छ । यस्तो अवस्थामा पनि नेपाली खेलाडीहरुले कसरी अन्तराष्ट्रिय सफलता हासिल गरिरहेका छन् ? क्रिकेटभित्रको राजनीतिले खेलाडीहरुलाई कस्तो समस्या पारेको छ ? यस्तै प्रश्नहरुको जवाफ खोज्न आज मसँग हुनुहुन्छ हालै एकदिवसीय र ट्वान्टी ट्वान्टी बरियतामा नेपाललाई ऐतिहासिक जित दिलाउन सफल नेपाली क्रिकेट टिमका कप्तान पारश खड्का र अर्का चर्चित खेलाडी सोमपाल कामी । TOUGH TALK is a widely subscribed weekly TV talk show on mainstream issues with leaders, champions and change makers of the nation. The show not only delves into depth of the matter to bring out the core of the issue but gives it a critical-analytical perspective in the interest of the audience. The show is hosted by seasoned journalist Dil Bhusan Pathak with the intention to make a difference by promoting a culture of constructive dialogue. (May 2012) Produced by Interface Nepal- Media for Arts and Rights. www.interfacenepal.com Tough Talk is aired every Thursday @9:00PM in Himalaya Television. Follow us for regular updates in: Facebook: https://www.facebook.com/ToughTalk/ Twitter: https://twitter.com/DilBhusanPathak Youtube: /user/toughtalk1 Podcast: https://www.interfacenepal.com (Also in Hamro Patro) Instagram: https://www.instagram.com/dil_bhusan_pathak/ #TOUGHtalk #NepaliCricket #ICC #ParasKhadka #SompalKami #InterfaceNepal #CAN #Cricket #Nepal #Himalaya_TV #Nep_Vs_UAE

Category