Duration 1:46
دجاج توسكان Tuscan Chicken Jordan
Published 9 Aug 2020
دجاج توسكان نص كيلو صدور دجاج فيلية مقطعين شرحات رقيقة بنتبلهم بملح وفلفل اسود وبابريكا وتوم بودرة.. بمقلاية عالنار وبشوية زيت زيتون بنشوحهم من الجهتين ليستوو بيحتاجو تقريبا 10_15 دقيقة وبنرفعهم عجنب وبنفس المقلاية بنضيف ملعقتين زبدة وسنيين توم مهروسين بنقلبهم وبنضيف كمية من البندورة المجففة حسب الرغبة ( ممكن نستبدلها ببندورة كرزية لو مش متوفرة) بنقلبهم شوي وبنضيف كوب من كريمة الطبخ ورشة ملح وفلفل بس يغلي بنضيف كوبين من اوراق السبانح الطازه بنحركهم دقيقتين وبنضيف نص كوب جبنة بارميزان مبشورة ( لو حسينا الخليط تقيل ممكن نخفف بشوية مي) وبنرجع الدجاج وبنتركو بالصوص دقيقتين وبعدها بنقدمو وصحة وعافية .. ممكن مع الرز الابيض او الباستا ❤ArwaAreej❤
Category
Show more
Comments - 1
Related videos for دجاج توسكان Tuscan Chicken Jordan:
