Duration 2:36

ទឹកជ្រោះជ្រាវ អមលាំង ចំការក្រូចនិងចំការអំពៅ

99 watched

0

4

Published 14 Jul 2021

ទឹកជ្រោះជ្រាវ ឬក៏គេច្រើនហៅថា ទឹកធ្លាក់ជ្រាវ មានទីតាំងស្ថិតនៅ ភូមិតាំងសំរោង ឃុំអមលាំង ស្រុកថ្ពង ខេត្តកំពង់ស្ពឺ និងមានចម្ងាយប្រហែល 110km ពីវិមានឯករាជ្យ ខេត្តកំពង់ស្ពឺ។ ទឹកជ្រោះជ្រាវ ស្ថិតនៅក្នុងប្រភេទ៖ ទឹកជ្រោះឬទឹកធ្លាក់, ទេសចរណ៍ធម្មជាតិ។ រីឯចំណុចសំខាន់ៗនៅ ទឹកជ្រោះជ្រាវ មានដូចជា៖ លេងទឹកឬហែលទឹក, ទស្សនាទេសភាពព្រៃភ្នំ, រៀបចំអាហារដោយខ្លួនឯង និងចំណុចផ្សេងៗទៀត។ ជ្រាវជាទឹកធ្លាក់ដែលមានជម្រាលច្រើនដំណាក់ ដែលអំណោយផលដល់ការងូតទឹកលេងកម្សាន្ដរបស់អ្នកទេសចរក្នុងតំបន់ដែលភាគច្រើនគេនាំគ្នាទៅកម្សាន្តតែនៅថ្ងៃសៅរ៍ និងអាទិត្យ ឬថ្ងៃបុណ្យប៉ុណ្ណោះ ។ អ្នកទេសចរអាចនាំគ្នាងូតទឹកធ្លាក់នៅដំណាក់ទី១ ដែលមានជម្រាលទឹកហូរសម្រាប់ងូតលេងកម្សាន្ដ ។ ក្រោយងូតទឹកហើយនោះអ្នកទេសចរនាំគ្នាហូបអាហារថ្ងៃត្រង់ក្រោមម្លប់ឈើ ឬក្បែរល្បាក់ទឹកធ្លាក់ដែលលាន់សំឡេងយ៉ាងកងរំពងលាយឡំនឹងសំឡេងស្រែកខ្ញៀវខ្ញារ ពីសត្វបក្សាបក្សីទាំងឡាយ បង្កើតបានទៅជាសំឡេងតូរ្យតន្ត្រីយ៉ាងពីរោះ គួរឱ្យចង់ស្តាប់កម្សាន្តធ្វើឱ្យអារម្មណ៍ដែលហត់នឿយក្នុងការងារហាក់បីដូរជារសាយហូរទៅតាមខ្សែទឹក ។ អ្នកទៅកម្សាន្តដែលមិនបានវេចខ្ចប់ម្ហូបអាហារទៅជាមួយសម្រាប់បរិភោគក៏មានអ្នករស់នៅតំបន់នោះនាំគ្នាលក់ដូរម្ហូបអាហារជាច្រើនបែប ច្រើនមុខ មានដូចជាមាន់ដុត ត្រីដុតអំបិល និងបាយម្ហូប ផ្សេងៗ ក្នុងតម្លៃសមរម្យផងដែរ។ សម្រាប់ការធ្វើដំណើរដើម្បីទៅដល់ទីតាំង ភ្ញៀវទេសចរមានភាពងាយស្រួល ពីព្រោះមិនមានការធ្វើដំណើរថ្មើរជើង និងធ្វើដំណើរឆ្លងទឹក រឺក៏ជិះទូកឡើយ។ ចំពោះចំណតរថយន្តវិញ ភ្ញៀវទេសចរអាចធ្វើការចតដោយផ្ទាល់នៅទីតាំងបានថែមទៀតផង។ #បញ្ជាក់ : វីដេអូនេះពួកយើងទៅលេងមុនពេលផ្ទុះជម្ងឺកូវីដសារជាថ្មី #ពេលទៅដល់ទឹកធ្លាក់ជ្រាវឡើងទៅជួបតូបដំបូងគេជួលសេវាគាត់ទៅមិនខកចិត្តទេនេះបើតាមបទពិសោធខ្ញុំ😅

Category

Show more

Comments - 0